روزنه rowzane خبری – تحلیلی
ارديبهشتين ١١ ى، دنيا ايشچى گونى يولدان چاتماقدادير. بوگون دونيايا حاكم اولان ظالمانه و انسانيته اويمويان مناسباتدان جانا گلميش ميليونلار و ميليونلار انسان دنيانين هر يئرينده خيابانلارا توكولوپ انسان اولدوخلارين و انسان حقلرينه لايق اولدوقلارين سسلنديررلر.
بوگون هاميميزين گونودور؛ استثمار آلتيندان قورتولماق ايستين ايشچيلرين، تبعيضدن نفرت تاپيپ جنسى آزار و اذيتلردن جانا گلميش آرواتلارين، حقلرى وئريلمين بازنشسته لرين، حق طلب معلم لرين و اسلامى حكومتدن و اونون ارتجاعى و فاشيستى قانونلاريندان جانا گلميش بوتون آزاديخواه انسانلارين گونودور. چون كى فقر و يوخسوللوغون، محروميتلر و تبعيضلرين و انسانلارين تامام بدبختچيليكلرينين سببى سرمايه دارليق آدلانان سيستيمدير.
ايراندا سرمايه دارلارين اسلامى حكومتى زندگانليغى بو مملكتده ياشيان انسانلارا داهادا چوخ مشقتلى ائلييپ. بو حكومتين قانونلاريندا و اونون رهبرلرينين آغزيندان چيخان سوزلرده انسان بنده ساييليپ، آرواد ناقص العقل و كيشينين ياريسى تعريفلنيپ، اوشاق حقسيز حسابلانيپ، شادليق مذمت اولوپ، موزيك شيطان ايشى تعريفلنيپ و زندگانليقدان لذت آپارماق گوناه ساييليپ.
بو حكومت انسان دشمنى و بيزيم نيازلاريميزا اويمويان بير حكومت دير. بو حكومتى قدرتدن اشاغى چكيپ اونون يئرينه انسانا لايق بير حكومت قورمالييك.
ياشاسين ماين ١ ى، ارديبهشتين ١١ ى دنيا ايشچى گونو!
حزب كمونيست كارگرى ايران-كميته آذربايجان
٢٨ آوريل ٢٠٢٢، ٨ ارديبهشت ١٤٠١
