بيانيه حزب کمونيست کارگرى ايران در مورد حق معيشت، ترجمه بزبان ترکى

دولت موظف دير کى شهروندلرين هاميسينين معيشتين تامين ائليه
حق معيشت موردينده حزب کمونيست کارگرى نين بيانيه سى

ايراندا، کرونا بحرانينين ايچينده تامين معيشت آديندا بير حرکت يولا دوشوپ. شهروندلر پلاکاردلار قوزاماقينان، و ميدياى اجتماعيده کليپ لر يايئپ هشتگ وورماقينان بونو دئمکده ديرلر کى قرنطينه معيشت سيز مومکون دگيل و دولت طرفيندن چتين گونلرى گئچيردن خالقين زندگانليقينين تامين اولماقين ايستيرلر. حکومتده اوتانميا اوتانميا بو مسئوليتى عوز بوينوندان آتير و خالقى ايش باشينا گوندرماغينان اولارى کرونا قتلگاهينا گوندرير. جمهورى اسلامى کرونا ويروسوينان ال بيرليکده، خالقى عولدورمغه مشغولدور نيه کى ايستمير نه بو مرضنن مقابله ائلماغا و نده خالقين معيشتين تامين ائلماغر هزينه صرف ائليه.
حکومتين برنامه سى بودور کى اقتصادين خالقى عولومه وئرماغينان دولانديرسين. او زاماندا کى جمهورى اسلامىنين اقتصادى کروناسيز ”دولانماکدايدير‟، بو اقتصادى دولانديران خالقين چوخونا فقر و يوخسوللوکدان سورا آيرى بير شى قالميردير و بوگونده کرونانين اثرينده داهادا چوخ ايشدن دوشموش اقتصادينين تاوانين خالقدان چيخارتماک ايستير.
بيز بو وضعيتين مقابلينده اعلام ائليريک کى کرونا دورسينده و يا هر آيرى شرايطده خالقين معيشتى گرگ بدون اما و اگر تامين اولا. دولتين وظيفه سى دير کى هر دليلينن معاشسيز قالان و عوز معاشلارين تامين ائليه بيلميين شهروندلره پايه ى ماهانه اختصاص وئره تا هامى ائليه بيله عوز اساسى نيازلارين تامين ائليه. هيچ شهروند گرگ آجليک ايچينده ال اياق چالميا و يا آجليکدان و ناخوشلوکدان و فقردن ناشى اولان مشقتلردن نگران قالميا. بو جامعه نين تمام افراد و آحادينين انسانى حقى دير کى زندگانليغى هر شرايطده تامين اولا. بو دولتين وظيفه سى دير که لازم اولان منابع و ثروتى خالقين معيشتين تامين ائلمک اوچون اختصاص وئره.
شهروندلرين معيشتين تامين ائلمک و درآمدسيز و يا کم درآمد اولانلارا بير پايه ى حقوق مقرر ائلمک صدقه و خيرات دگيل بلکه بير انسانى حق دير. شهروندلرين معيشتى جمهورى اسلامى نين او بيشرمانه ”بسته حمايتى‟ سى نن، کى فقط ۳ ميليون نفره و آيدا ۲۰۰ نن ۶۰۰ مين تومن آراسيندا و اودا فقط نئچه آيا کيمين نظره آلينينپ، تامين اولان دگيل. خالقين معاشينين تامين اولماقينين معناسى، هر شى دن اول، بودور کى درآمدسيز و کم درآمد اولان شهروندلرين هاميسى، بدون استثنا، درآمد پايه آديندا ثابت و کافى بير مقررى صاحابى اولالار تا عوز زندگانليقلارينين اساسى نيازلارين تامين ائليه بيله لر. بو درآمد پايه گرگ اوقدر اولا کى اولارين غذاسين، مسکنين، پالتارين، باشماغين، ابتدائى دوره سيندنن دانشگاه دوره سينه کيمين تحصيل هزينه لرين، تفريح و فراغت لرين، بهداشت و درمانلارين، گئت گل مخارجين و آيرى اساسى نيازلارين تامين ائليه. بو حقوق پايه نين پرداختينين ادامه تاپماسى کرونا بحرانيندان سورادا حياتى دير. ايندى ايراندا حداقل دستمزد خط فقردن دورت برابر اشاغيدادير و بيکارلار و بازنشسته لرين درآمدى بونداندا آزدير. بواوزدن، بيز تمام کارگرلر و کارکن لارينان همراه اولوپ دستمزدلارين خط فقرين نئچه برابر يوخاريسينا چيخماغينا، کافى ميزاندا بيکارليک بيمه سينين پرداخت اولماغينا و بازنشستگى حقوقونون چوخالماغينا و اولارين کناريندا حقوق پايه نين پرداختينا چاليشيپ مبارزه ائليريک. بو ثابت آيليق مقررى نين پرداختى گرگ ساده و راحات اولا و اونو دريافت ائلماغا شهروندلرى شرمنده ليگه و توضيح وئرماغا و هفت خان رستمدن گئچماغا مجبور ائلميه.
بيز هابئله خالقين معيشت وضعيتينه مستقيما مربوط اولان نئچه آيرى ايستگه ده تاکيد ائليريک. بهداشت و درمان گرگ تمامن رايگان الا. بو مخصوصا بير شرايطده کى خالق بير مسرى ناخوشلوغونان ال به ياخا ديرلار و چوخلارينين درمانى هزينه لرى پرداخت ائلماغا تواناليکلارى يوخدور چوخ مهم دير کى گرگ بلافاصله اجرايا قويولا. آيرى بير ايستکده بودور کى بو شرايطده خالق سو، برق و گاز هزينه لريندن معاف اولسونلار. توليد مرکزلرينده ايش (اينديکى شرايطده حياتى ساييلان بخشلردن کنار) گرگ تماما متوقف اولا و کارکن لارين هاميسي حقوقلو مرخصليکدن برخوردار اولالار. دولت موظفدير کى لازم اولان ميزندا بودجه اختصاص وئرماغينان قرنطينه ده قالماغا مجبور اولان کارگرلر و کارکن لارين حقوقون بدون اما و اگر تامين ائليه.

بولارين هاميسى امکانپذير و اولان شى ديرلر اگر جامعه نين منابع و ثروتى دونيادا جمهورى اسلامينين تروريستى فعاليتلرين تقويت ائلمک يئرينه، هابئله اونون بسيج و سپاه و آيرى سرکوبگر ارگانلارين و مذهب و خرافات يايان تاسيساتين تقويت ائلمک يئرينه و يا آيت الله لار و آقازاده لرين اوغورلوکلار و اختلاس لارينين يئرينه، خالقين نيازلارين برطرف ائلماغا صرف اولونا. بو ايستکلرى متحقق ائلمک اولار اگر جامعه نين ثروتلرى و کارگرلر و زحمتکشلرين ايش ثمره لرى حاکم اوغرولارين گئن جيبلرينه توکولميه بلکه خالقا خدمت يولوندا صرف اولا. بو اجتماعى تاميناتين چوخو ايللر بويودور کى بعضى کشورلرده اجرايا قويولوپ. بيزيم طلب ائتديگيميز واقعيتده کارگرلر و زحمتکشلرين آنلارينين ترينن توليد اولوپ مفتخور اقليت حاکملرين طرفيندن تصاحب اولان ثروتين بير بخشى دير. گئچن قيرخ ايلين عرضينده بونون شاهدى اولموشوک کى نئجه بير بالاجا و مفتخور اقليت گون به گون ياغلانيپ، قويروک باغلييپ پروار اولوپ مولتى ميلياردره دونوپلر و جامعه نين کارگرلردن و زحمتکشلردن تشکيل تاپان بويوک پايى داهاد چوخ خط فقرين آلتينا و فلاکتبار و تحمل اولونمويان بير اقتصادى شرايطه دوشولوپلر. خالقين معيشتى لحاظدان بو چتين شرايطى او سرمايه دارلارين و فاسد و اوغرو حاکملرين مفتخورلوق و چاليپ چاپماککارينين نتيجه سى دير کى فکر و ذکر و مشغله لرى فقط عوز ضد انسانى حاکميتلرين حفظ ائلمک واوستونده اوتوردوکلارى خان يغمادان ارتزاق ائلمک دير. بو حکومت گرگ سرنگون اولا تا خالق آزادليقا و اجتماعى رفاها ال تاپا. بيز ائليه بيلريک احتياجى اولان انسانلارين هاميسينا اجتماعى کمک هزينه و تامين معاش پرچمين يوخارى قوزاماغينان بو فاسد و جانى حکومتين سرنگونلوک يولون صافالديپ هموار ائليک. حال حاضرده جامعه سطحينده ده ياشايش و معيشت اوستونده بير گفتمان، قرنطينه معيشتسيز ممکن دگيل هشتگ، عنوانيندا يولا دوشوپ.

حزب تلاش ايلير کى بو جنبشى هرنقدر ائليه بيلسه تقويت ائلئيپ يايقينلادا. جمهورى اسلامى او شى دن کى اونو ”شورش گرسنگان‟ آدلانديرير وحشت و نگرانچيليغا دوشوپ. گلين بو چتين شرايطده حکومته نشان وئرک کى بيز قويموياجايوک جامعه آژليغا چکيله و بوتون گوجوموزو ايشه ساليپ جامه ده هاميا معيشت و مرفه ياشايش حقيندن دفاع ائلمک اوچون اياغا قالخاجايوک.

حزب کمونیست کارگری ایران
۲۵ فروردین ۱۳۹۹، ۱۳ آوریل ۲۰۲۰